Seirbhísí Treorach, Faisnéise agus Earcaíochta

Cuidíonn Seirbhísí Treorach, Faisnéise agus Earcaíochta BOOLM le daoine roghanna eolasacha oideachais, gairme agus saoil a dhéanamh trí Threoirchomhairleoireacht, faisnéis agus tacaíocht neamhchlaonta agus rúnda a sholáthar do dhaoine fásta maidir lena roghanna oideachais, oiliúna agus gairme.

Chun tuilleadh eolais a fháil faoin tseirbhís sin, féach ar ár rannán Eolas Treorach agus Earcaíochta.

Achomhairc

Tá beartas Achomhairc Mheasúnaithe i bhfeidhm ag BOOLM agus cuirtear foghlaimeoirí ar an eolas, le linn a n-ionduchtaithe, faoin nós imeachta chun achomharc a dhéanamh ar thoradh measúnaithe.

Tá Beartas Achomhairc Iontrála ag BOOLM freisin ina dtugtar breac-chuntas d’iarratasóirí BO&O ar na forais agus ar na nósanna imeachta chun achomharc a dhéanamh ar chinneadh a bhaineann le hiontrálacha.  Tá foirm iarratais ar achomharc le fáil anseo.

Acmhainní d’Fhoghlaimeoirí

Ar go leor cláir BO&O, cuirtear ábhair chúrsa agus téacsleabhair ar fáil saor in aisce d’fhoghlaimeoirí.

D’fhorbair Seirbhísí Tacaíochta BOOÉ agus STBO na hacmhainní seo a leanas atá ar fáil d’fhoghlaimeoirí ag na leibhéil ábhartha:

• Lámhleabhar Scríbhneoireacht Acadúil d’Fhoghlaimeoirí san Earnáil BO&O
• Lámhleabhar Tagartha d’Fhoghlaimeoirí san Earnáil BO&O

Scéim Iasachta Gléasanna TFC

Bhain foghlaimeoirí BO&O BOOLM an-tairbhe as an Scéim Iasachta um Ghléasanna TFC, scéim atá maoinithe ag an rialtas agus é mar aidhm aici rochtain ar ghléasanna TFC a chinntiú d’fhoghlaimeoirí le linn cianfhoghlama / foghlaim chumaisc mar gheall ar shrianta COVID-19.

Dearadh Uilíoch don Fhoghlaim

D’ardaigh na foilseacháin seo a leanas ó ETBI, SOLAS agus AHEAD feasacht i measc oideachasóirí BOOLM maidir le Dearadh Uilíoch don Fhoghlaim:

• Creat Coincheapúil DUF d’earnáil BO&O na hÉireann
• Treoir do Chleachtóirí BO&O maidir le DUF a Chur i bhFeidhm in BO&O na hÉireann

Cuireadh ar chumas na foirne freastal ar Shuaitheantas Digiteach DUF AHEAD agus ar Shraith de Sheimineáir Ghréasáin Fhómhar 2021 BOOÉ ar DUF agus spreagadh iad chun an fhoghlaim a chur i bhfeidhm ina gcleachtas féin.

Tacaí Litearthachta agus Uimhearthachta

Úsáideann cláir BOOLM dhá phríomhuirlis chun cabhrú le haon tacaí Litearthachta, Uimhearthachta nó TFC a theastaíonn a aithint. Tá BKSB agus Edexcel in úsáid ar fud go leor ionad / coláistí.

Is féidir le foghlaimeoirí ar fud chláir BO&O BOOLM lena n-áirítear Printíseachtaí, IAT agus SDOG rochtain a fháil ar thacaí Litearthachta agus Uimhearthachta go hinmheánach trí naisc le hEagraithe agus le teagascóirí Litearthachta d’Aosaigh BOOLM.

Ina theannta sin, thacaigh eagrú FGL foirne sa réimse sin le Beartas Comhtháite Litearthachta BOOLM.

Staidéar le Tacaíocht

Tairgeann go leor ionad / coláistí BO&O Moil Staidéir nó roghanna staidéir le tacaíocht ina mbionn foghlaimeoirí in ann leas a bhaint as spás ciúin le haghaidh staidéir agus bíonn acmhainní agus tacaí ar fáil dóibh.

Seirbhísí Comhairleoireachta

Tá rochtain ag foghlaimeoirí BO&O ar thacaíochtaí comhairleoireachta intí má aithnítear an gá leis sin ag leibhéal an ionaid / an choláiste.

Cosaint Aosach

Tá BOOLM tiomanta do bheartais, nósanna imeachta agus cleachtais a chuireann cosaint daoine fásta chun cinn a chur i bhfeidhm. Is féidir leat Beartas agus Nós Imeachta um Chosaint Aosach BO&O BOOLM a fheiceáil anseo.

Líonra Guth an Fhoghlaimeora BOOLM

Tá Téarmaí Tagartha Líonra Guth an Fhoghlaimeora BOOLM ar fáil anseo.