Déantar athbhreithniú ar gach clár a chuireann ionaid BOOLM ar fáil ag tréimhsí uaineacha. Lorgaítear aiseolas ó fhoghlaimeoirí agus ón bhfoireann maidir le hualaí measúnaithe, modhanna measúnaithe, acmhainní cláir agus seachadadh clár.

Faoi láthair, déantar monatóireacht ar chúrsaí ag leibhéal an ionaid le meastóireachtaí lárchúrsa agus deireadh cúrsa. Dá réir sin is féidir saincheisteanna a aithint go tapa agus gníomhú orthu, agus tacaíochtaí breise a chur i bhfeidhm, má bhíonn gá leo. Tá teimpléid forbartha ag BOOLM chun cabhrú le hionaid na meastóireachtaí sin a eisiúint.

Tugann próisis Fíorúchán Inmheánach deis chun monatóireacht a dhéanamh ar na próisis mheasúnaithe, agus cuireann an Fíordheimhniú Seachtrach agus cruinniú an Phainéil Cheadaithe Torthaí (PCT) deiseanna ar fáil chun faireachán a dhéanamh ar thorthaí agus ar shaincheisteanna a eascraíonn as an tréimhse mheasúnaithe áirithe sin. Déanann fochoiste DC athbhreithniú ar thuairiscí PCT i bhfoirm chomhthiomsaithe, agus is amhlaidh is féidir treochtaí fadtéarmacha a aithint.