Cad is Ógtheagmháil ann?

Is clár oideachais agus oiliúna dara deis é Ógtheagmháil do dhaoine óga idir 16 agus 20 bliain d’aois a d’fhág an scoil gan mórán cáilíochtaí nó gan aon cháilíochtaí. Féachann sé le heolas agus scileanna a chur ar fáil d’fhoghlaimeoirí chun cabhrú leo a lánacmhainneacht a bhaint amach agus cur ar a gcumas dul ar aghaidh chuig breisoideachas, oiliúint agus fostaíocht.

Tacaíonn BOOLM le 8 n-ionad Ógtheagmhála  ar fud chontaetha na Mí agus Lú. Cuireann gach ionad réimse leathan cláir chreidiúnaithe agus neamhchreidiúnaithe ar fáil, iad uile á soláthar i dtimpeallachtaí cúraim, tacaíochta agus struchtúrtha. Bíonn cláir ar siúl ó Mheán Fómhair go Iúil gach bliain agus glactar le hatreoruithe i rith na bliana.